Is-servizzi huma kompletament elettroniċi, u l-proċess isir kollu permezz tal-internet u l-posta elettronika mill-bidu sal-aħħar.

  1. Mur fil-paġna Itlob stima u imla d-dettalji. Huwa importanti li tniżżel id-dettalji kollha, ħalli tkun tista' tirċievi stima preċiża tas-servizz li tixtieq kif ukoll meta għandek tistenna li jkun lest. Tirċievi posta elettronika li tgħidlek kemm se tonfoq u meta x-xogħol ikun lest.
  2. Jekk tiddeċiedi tagħmel użu mis-servizz, ikkonferma l-posta elettronika u agħmel depożitu ta' 20%.
  3. Malli l-ħlas ikun ikkonfermat mill-bank, tirċievi konferma biex tibgħat ix-xogħol mehmuż ma' posta elettronika. Id-data meta x-xogħol għandu jkun lest tkun ikkalkulata fuq il-ġurnata meta jasal id-dokument.
  4. Ix-xogħol fuq id-dokument isir fuq l-istess programm fejn ikun sar oriġinarjament. Jiġifieri, jekk tkun ħloqt dokument bil-Word 2007, il-qari tal-provi ta' dak id-dokument isir fuq Word 2007 ukoll (mhux fuq 2003 jew 2010). Dan biex naċċertaw li anki jekk ikun hemm tibdiliet żgħar fil-verżjonijiet tal-programm, dawn ma jaffettwawx id-dokument. Jekk tibgħat dokument bħala plain text jew rich text format, ix-xogħol fuq dawn isir fil-Word 2010 sakemm inti ma titlobx mod ieħor. Dan jgħodd ukoll għal dokumenti maħluqa bil-PowerPoint.
  5. Id-dokument komplut tirċivieh fiż-żmien stipulat, u tiġi mitlub tħallas il-bqija tal-kont.

Kif tibgħat dokument għall-qari tal-provi
Tista' tibgħat dokument sħiħ f'darba jew anki f'partijiet separati, biss ftakar li din tal-aħħar tista' ttawwal iż-żmien biex jitlesta x-xogħol fuq id-dokumenti.

Tista' tibgħat dokumenti f'dawn il-formati:


Jekk tkun trid li l-qari tal-provi jsir skont house style partikolari, għandek tibgħat din il-house style mad-dokument. Ġeneralment ħafna pubblikaturi u istituzzjonijiet ikunu jistgħu jibagħtulek din elettronikament.

Kif isir il-qari tal-provi
Tintuża s-sistema tat-Track Changes tal-Microsoft Office. Dan ifisser li malli tirċievi d-dokument lura, tkun tista' tara l-korrezzjonijiet, it-tibdiliet u l-kummenti kolha li jkunu saru. Umbagħad f'idejk tkunx trid taċċetta jew tiċħad dawn it-tibdiliet.

Ix-xogħol ipproċessat tirċivih lura bit-Track Changes attivati. Miegħu tirċievi wkoll dokument f'format PDF li jispjegalek kif timmaniġġa t-Track Changes.

Servizz ta' qari tal-provi
Dan is-servizz jiffoka fuq it-test innifsu, u jinkludi żbalji ortografiċi u tat-tipa, żbalji ta' punteġġatura u ittri kapitali u anki żbalji fil-grammatika. Id-dehra tad-dokument, preżentazzjoni, formattjar u paġinazzjoni mhumiex inklużi f'dan is-servizz.

Servizz ta' copy editing
Dan is-servizz jinkludi x-xogħol kollu tas-servizz tal-qari tal-provi kif ukoll reviżjoni tal-istruttura lingwistika, ċarezza fid-diskors, konsistenza fl-istil kif ukoll preżentazzjoni, formattjar u paġinazzjoni.

Fil-każ ta' kitba akkademika jsir ukoll xogħol fuq stanards ta' referenza biblijografika kif ukoll kwotazzjonijiet fit-test. F'dan il-każ ikun hemm bżonn turi liema hu l-istandard li tkun trid tuża. Bħalissa jsir xogħol fuq l-APA, l-MLA u l-Hardvard. Standards oħra jistgħu jsiru fuq talba tal-klijent.

Fil-każ ta' dokumenti li jinkludu indiċi analitiċi, dan jinkludi wkoll il-konsistenza fil-cross references. Madankollu dan is-servizz ma jinkludix it-tifsil tal-indiċi analitiku.

Ħlas
Ħlas isir permezz ta' ċekk, direct bank transfer jew minn fuq l-Internet permezz ta' PayPal.

Fl-industrija standard tal-qari tal-provi 'paġna' hija meqjusa li tikkonsisti f'250 kelma, irrispettivament mid-daqs tat-tipa u l-ispazjar tal-vrus. Għaldaqstant ir-rati tal-ħlas huma kkalkulati skont paġni, mhux skont kemm idum ix-xogħol, għal għadd ta' raġunijiet:

Kull prezz ikkwotat jinkludi 18% VAT.

Għal aktar tagħrif dwar ir-rati ta' ħlas, ikklikkja fuq it-tipi ta' dokument partikolari llistjati fuqnett tal-paġna.



Fuq | Itlob stima